會員心聲

member-avatar

會員L先生 / 陪老公減50磅:老婆的心聲 「減肥都要食得好!」

衷心多謝 Nutri Life 註冊營養師Gloria 幫L輕鬆健康地減咗50幾磅

L一向都係肥仔無誤,大概一年前體重達到高峰210幾磅。好多人減肥係因為外表,佢完全唔係。純粹為咗自己健康着想,想有個健康嘅身體陪小朋友,睇住佢哋成長,因為佢當時係肥到行樓梯膝頭個會痛。

L當時見證住一個同自己差唔多噸位嘅同事喺Gloria幫助下減肥非常成功,見到個位事平時午餐可以同大家一齊去餐廳食正常嘢,唔使自己坐埋角落頭食雞胸(坊間對減肥中嘅人嘅形象就係淨可以食雞胸或者芋絲),所以就決定一試。⁣

因為我要負責佢嘅減肥餐所以同佢一齊見營養師。第一次見完Gloria已經顛覆咗我哋對於食營養餐同埋減肥嘅印象,因為其實係冇嘢唔食得,只不過食得多就要還,所以都好flexible,一啲都唔難跟。⁣
L通常早餐同埋午餐都喺餐廳食,只要識揀啱嘅嘢就真係可以輕鬆減磅,唔使淨係order減肥恩物米粉。

Weekend 我哋照樣可以一齊去食好西,呢樣野真係好緊要,冇理由一個減肥要成家陪佢㗎嘛。
作為要為肥佬預備晚餐嘅人我覺得其實真係好輕鬆,因為佢同我哋食嘅嘢係冇分別,買餸都係嗰啲 — 菜肉海鮮,係個份量要控制。當中我哋仲偷咗佢啲減肥餐單一齊食,例如蠔仔粥,薑燒豬肉,因為健康又好味。⁣

開始減肥之後L明顯食得健康好多,每日有生果、定時食菜、學識咩係「好嘅脂肪」,個人都精神咗、做嘢集中啲,睡眠質素都有提高。我哋屋企人見到佢減肥可以食咁多正嘢,大家都講笑話想一齊減,可以名正言順食好西。⁣

仲有順帶一提,Gloria 絕對係非常跟得上餐廳潮流嘅營養師,任何餐廳包括新開或者熱門嘅佢都可以一望食物相就知道邊間出品,完全逃唔過佢foodie眼,foodie營養師當之無愧!所以去餐廳前都可以問定佢有咩菜式比較抵食 (calories wise) 。⁣

L真正減肥嘅時間係7個月, 之後3個月maintain。係呢段時間當中,減肥嘅L同埋我哋屋企人都覺得比想像中輕鬆,睇住佢一路健康瘦好有滿足感。以前以為要勁做運動同埋食唔飽先可以減到肥,原來唔使。多謝Gloria令L可以飽住健康瘦!非常驚喜嘅係佢減肥中都仲可以繼續陪我食嘢 (重要嘅嘢要講好多次)!⁣