會員心聲

由高中開始成日坐多過郁，結果自己唔為意之下，去到出咗嚟工作嘅某一日先驚覺自己肥咗好多好多，所以的起心肝想減肥。喺遇到Nutri Life之前，都曾經試過坊間唔同嘅減肥方法，但效果都一般般，而且都仲會令到個胃唔舒服，所以真係好開心我可以遇到Nutri Life咁多位咁有Heart嘅營養師！❤️

多謝Grace呢16個月嚟咁用心咁幫我、鼓勵我，不論飲食營養同情緒上，等我覺得減重嘅路上唔係孤軍作戰！要改變自己一路以嚟亂糟糟又自由嘅飲食習慣唔係太容易，但好在有Grace引導同陪伴之下令我慢慢學得更多、更識得去選擇，同習慣一個更好嘅飲食模式。過程中有時都會因為工作壓力同身體狀態，又有時因為忍唔到口而食多咗野，但而家我會記得Grace教我嘅野，學習唔好咁guilty，慢慢學識同美食共處！

2023年我最明智嘅決定就係嚟咗Nutri Life搵營養師幫手~ 最寶貴最重要嘅唔單止係瘦咗，仲要係學識咗點樣食得啱、食得健康，點樣拉上補下，呢樣先係一生受用嘅寶物！以後我會好好咁將學到嘅野繼續持之以恆，希望可以繼續Keep 到Fit，同時擁抱美食同健康嘅身體！????