會員心聲

最重嘅時候成121.6kg，成日比人笑可以係我對肶上面開枱打牌???? 每次我都笑吓就算，其實心入面都真係幾唔開心，不過就係一直冇動力減肥...⁣
⁣
開始減肥嘅契機係2年前，我有朋友話我塊臉生黑斑，叫我去做身體檢查，之後發現我有脂肪肝，個時好怕年紀輕輕就生肝癌????⁣
⁣
我係網上搵咗好多資料，後來係Viu TV到見到Gloria，我就諗住不如去問吓，後來就遇到咗可愛嘅Wendy???? 正式開始咗我嘅減肥之旅啦！⁣
⁣
搵營養師減肥嘅好處係可以食得好飽，尤其係啱啱開始個陣，要我吃好多飯同肉，我成日飽到傻，不過Wendy話要食夠先會瘦，我半信半疑咁食曬落肚，好彩佢冇呃我????⁣
⁣
一開始都好怕同好似之前見過嘅營養師一樣，所有食物都要好清淡，白烚雞胸、烚菜個啲。事實上好多嘢都食得！包括pizza、部隊鍋、炒粉麵飯、煎牛扒，就連打邊爐都得！當然調味料同油分都有減少，不過煎炒嘅食物都冇少過????⁣
⁣
我好鐘意煮飯同整西餐，佢哋比咗好多食譜我，全部都好！好！味！我發現只不過係材料方面要揀比較瘦嘅肉之外，其實同減肥前都冇咩差別????⁣
⁣
最難嘅話應該係戒糖，飲嘅至緊要飲無糖，不過了大概半年左右就習慣咗啦???? 不過生果可以照食！生果本身嘅甜冇問題，精製糖先❌⁣
⁣
我覺得依個減肥方法好適合我，唔洗捱餓又可以食澱粉，最緊要係我可以長時間堅持，慢慢養成生活習慣 ✊????⁣
⁣
依家大概72kg上下，未到2年減咗108磅，最厲害係其中接近100磅都係脂肪，肌肉基本上冇少過，好開心我個下巴返來了????????????????